HMAR INPUI INRAWINA HNUOIAH INRAWNKHAWMNA NEI

Hmar Inpui inrawinain Hmarkhawlien-ah inrawnkhawmna nei
VIRTHLI HMAR 41 mins ago News
Hmarkhawlien, July 13,2015 (Virthli News): Hmar Inpui inrawina hnuoiah July 13, 2015, 1:30 PM khan Assam a Hmar political movement le developement chungchang hai le inzawmin RATARC Training Hall, Hmarkhawlien ah inrawnkhawmna nei a nih. Hi hun a hin Hmar Inpui General Headquarters, HWA GHQ, HSA GHQ, HYA GHQ, HSA CCpur JHQ thuoitu, N.C.Hills ­a inthawkin Hmar Inpui NC Hills and Karbi Anglong Region, HYA, HSA, HPU thuoituhai bakah Member of Autonomous Council (MAC) hai; Barak Valley ­a inthawk Hmar Inpui, HYA, HSA, Kohran thuoitu hai le intellectuals hai an thang bawk a nih.

Hi hun a hin Hmar khuo le ram hai venghim dan ding thuhai, jhumland permit thu, tulai hnaia Rema Punjee buoina, Barak Valley a Hmar ST recognition chungchang, Assam rama ei hnam sipai han movement an nei mek chungchang le hmathlir, NC Hills le Barak Valley/Cachar laia hnam in harsatna chi hran hran a tuok haia hmalak dan ding le a dang dang hai an hriltlang. Hi hun hi Dr. John Pulamte, President, Hmar Inpui in a keihruoi a, Rev. John Zohminglien Zote in hun hawng tawngtaina le hunkhar tawngtaina Pu Lalawilien Amaw Vice President, Hmar Inpui in a nei.